کەفتنە شوینی تا بنکەی پولیس.. کەسەیلیگ پاکستانی گەشتیاریگ وە بوخت پیسکردن قورئان کوشن
2024-06-21T15:08:14+00:00
شەفەق نیوز/ بڕیگ موسوڵمان تویڕە لە باکوور خوەرئاوای پاکستان، چگنە ناو بنکەی و گەشتیاریگ لەورا رفانن، ئیجا وەبی دادکاری دانە سێدارە، کە گوایە قورئان پیس کردگە.
وەرپرس پولیس وەناو رەحیمەلڵا وت: ئەو کەسەیلە بنکەی پولیس لە شار مادین لە هەرێم خەیبەر بەختونخوا سزانن، و ماشینەیل پولیسیش لەو ناوە ئاگر دان.
ئەو کابرا کە نوسین وەناو محمد ئیسماعیل گەشتیار بوی لەناو یەکیگ لە هوتێلەیل شارەگە، وەیەکجا خەڵک ناوچەگە پەلاماری دان و بوختی وە کفر کردن.
رەحیمەلڵا وت: ئەفسەرەیل پولیس پیاوەگە بردن تا لەدەس ئەو کەسەیلە قورتاری بکەن، وەلێ ئەو مەردمە زیایەو بوین و پەلامار بنکەی پولیس دان، و ئیسماعیل رفانن و کوشتنەی، ئیجا تەرمەگەی سزانن و لەبان ری هیشتنەی.
رەحیمەلڵا وتیش: هیزەیلیگ ترە لە پولیس رەسینە مادین ئەرا ئی کارە، و دیار نییە ئەگەر کەسیگ لەوانە دەسگیر کردنە.
پەلامار لەبان کەسەیلیگ وەیجویر بوختەیلە کاریگ باوە لەی دەوڵەت ئیسلامیە، کە ئی توومەتەیلە رەسێدە وەسێدارەدان.
