فڕۆکەیگ ئیرانی بومبیکریاگ چەک ئاسمانی هیندستان خەێدە ئامادەباشی
![فڕۆکەیگ ئیرانی بومبیکریاگ چەک ئاسمانی هیندستان خەێدە ئامادەباشی](https://media.shafaq.com/media/arcella/1664792637757.jpg)
شەفەق نیوز/ میدیایل راگەیانن باس کردن ک چەک ئاسمانی هیندستان فڕۆکەیل جەنگیی خستە ئامادەباشی، دویای ئەوە ک کۆمپانیای فڕۆکەوانی ئیرانی ئاگادار دەسەڵاتەیل فڕۆکەوانی هیندی کرد، ک بومبیگ هاناو یەکیگ لە فڕۆکەیەلی لە ئاسمان هیندستان.
ئاژانس "ANI" وت: ئاگاداری وە هەڕشەی بومبیگ لەناو فڕۆکەیگ ئیرانی لەبان ئاسمان هیندستان ک روی وەرو وڵات چین کردیە، ئامادەباشی دروس کردن، و فڕۆکەیل جەنگی لە چەک ئاسمانی هیندستان کلکریا تا لەشان فڕۆکەی ئیران باڵ بگرن.
وەگورەی ئاژانسەگە، کۆمپانیای فڕۆکەوانی "ماهان" ئیرانی پەیوەندی وە چەودیریکردن جویلەی ئاسمانی لە فڕۆکەخانەی هیندستان کرد، دویای وەرگردن پەیامیگ لەو بومبە، وداوای نیشتنەوەی ناچاریی لە دیلهی کرد.
ئاژانسەگە لە زوان سەرچەوەیلیگ هیندی وت: چەودیریکردن جویلەی ئاسمانی لە دیلهی داوا لە فڕۆکەگە کرد روی وەرەو جایبور بکەێد، باوجی کاپتن فڕۆکەگە ڕازی نەوی، و لە ئاسمان هیندستان دەرچگ.
جی باسە ک ئەو فڕۆکەگە لە تەهران باڵ گردیە، و بایەتە لە چواڕیان قوانگتشو لە وڵات چین بنیشێدەو.