فەرەنسا… دەسگیرکردن دووان لە داعش پلان ئەرا جیوەجیکردن پەلامارەیل داشتنە
جیرالد دارمانان لەبان تویتەر نویسان: دوو کەس تونەڕەوی وەلایەن وەڕیەوبەرایەتی گشتی ئاسایش ناوخوەیی دەسگیر کریا.
وتیش: سوپاس ئەرا ئی فەرمانبەر و کارمەنەیلە لە دەزگاگە ئەرا کاریان لە مقیەتیکردن فەرەنسیەیل.
رووژنامەی (لە پاریزیان) فەرەنسی وت: ئەو کەسەیلە ک دەسگیر کریانە، خوەنەواریگ ناوەندیە لە تەمەن ١٧ ساڵان، و خوەنەواریگ دادپەروەری لە تەمەن ٢١ ساڵانە، ک گومان لە ئامادەکردنیان هەس ئەرا کارەیلیگ تونوتیژی وەناو ریخریاگ داعش.
وەگورەی رووژنامەگە، پلان ئەرا جیوەجیکردن پەلامارەیلیگ وە چەک چەرمگ داشتنە.
وتیش: دەسەڵاتەیل لە سەرەتای مانگ ئادار خوەنوار ناوەندیەگە دەسگیر کردن، دویای چالاکی کومانییگ لەناو هەژمارەگەی لەبان سۆشیال میدیا، ک باس ئارەزوو خوەی لە جیوەجیکردن پەلاماریگ وە چەقوو کردگە، و بڕیگ چەقوو و دروشم ریخریاگ داعش مەوقەی وەشکین ماڵەگەی پەیا کردنە.
خوەنەوار یاساگە، لە تەمەن ٢١ ساڵان لە سین سان دونی نیشتیە، ک یەی رینمایی داسە خەوەنوار ناوەندیەگە، و مەوقەی وەشکین بڕ فرەیگ لە وینەیل شکەنجە و سەربڕین لەناوی بویە ک نیاز داشتگە ئەرای کلیان بکەێد، هەمیش وەگەرد نەخشەی کلیسەیگ لە پاریس.
