فەرەنسا جویر یەکەم وڵات ماف لەباربردن مناڵ لە دەستوور جیگیرکرد
2024-03-05T16:03:39+00:00
شەفەق نیوز/ فەڕەنسا جویر یەکەم وڵات لە جەهان ماف لەباربردن مناڵ لە دەستوورەگەی جیگیرکرد و 80٪ هاوڵاتیەیل وڵاتەگە پیشگیری بڕیارەگە کەن.
لە کۆشک ڤێرسا ئەندامەیل هەردووگ ئەنجومەن پیران و نیشتمانیی فەرەنسا وەکوو دەنگ 780 ئەندام ماف لەباربردن مناڵ لە دەستوور جیگیرکرد و لە هەموارکردنەگە هاتیە ئەو وڵاتە “ئازادیی گەرەنتیکریاگ” ئەرا لەبار بردن مناڵ دابین کەێد.
کەنیسەی کاسۆلیکییەگان وڵاتەگە دژایەتی خوەی نیشاندا ئەرا هەموارکردن یاساگە، لە وەرین ئەکادیمیای پاپای ژیان، کە گرنگی وە پرسەیل پەیوەست وە بایۆئێتیک دەێد، لە بەیاننامەیگ راگەیاندیە، “لە سەردەم مافەیل مرۆڤ، هویچ کەسیگ ئەرای نییە ژیان لە مرۆڤیگ ترەک وەربگرێد".
