عراقیش هاناویان.. سێ دەوڵەت لە خوەرهەڵات ناوڕاس بەرزترین گەرمی توومار کەن
شەفەق نیوز/ سێ دەوڵەت لە خوەرهەڵات ناوڕاس، عراقیش هاناویان، ئمڕوو شەممە، وەماوەی ٢٤ سەعات گوزەشتە، بەرزترین پلەی گەرمی لە جەهان توومار کردن.
ویستگەی "بلاسیرفیل" لە کالیفۆرنیای ئەمریکا، خشتەیگ وە ١٥ ناوچە و شار جەهانی بڵاو کرد، ک بەرزترین پلەی گەرمی لە جەهان وەماوەی ٢٤ سەعات گوزەشتە توومار کردنە.
خشتەگە دیاری کرد ک ئەو سێ دەوڵەتە لە خوەرهەڵات ناوڕاس، ئیران، عراق، کوەیت گردەو، ک لەناو بەرزترین پلەی گەرما وەماوەی ٢٤ سەعات گوزەشتە بوینە. وەگورەی خشتەگە، شار وناوچەیل ئیران لە پلەی یەکەم ودویەم ونۆهەم بوین لە پلەی گەرمی لەناوبەین ٥٠،٣ و ٤٨،٣ پلەی سیلیزی بوین، و ناوچه‌یلیگ لە باشوور عراق لە پلەی سێیەم وهەشتەم و پلەی ١٢ و ١٣ لەناو خشتەگە بوین، وە گەرمییگ لەناوبەین ٤٩،٦ و ٤٨ پلەی سیلیزی، و ناوچەیلیگ لە کوەیت لەپلەی شەشەم وهەفتەم ودەهەم ٢ ١١ و ١٤ و ١٥ بوین وەگەرمی ناوبەین ٤٨،٧ و ٤٧،٨ پلەی سیلیزی.
لەی خوارە خشتەی بەرزترین پلەی گەرمی لە جەهان:
