شەش دەوڵەت خەلیجی هەزاران تویشهاتگ و دەیان مردگ کۆڕۆنا تۆمار کردن

شەفەق نیوز/ شەش دوڵەت خەلیجی، ئمڕوو سێشەممە، هەزاران توێشهاتگ ودەیان مردگ وە ڤاێڕۆس کۆڕۆنا تۆمار کەن. وزارەت تەندروسی سعودیە، تۆمارکردن ٢٥٠٩ تویشهاتگ نوو وە ڤاێڕۆس کۆڕۆنا راگەیان تا هەژمارە گشتیەگە بڕەسێدە ٥٩،٨٥٤ کەس.
محمد عەبدعالی هاوکار وەزیر تەندروسی سعودیە قسەکەر وەناو وەزارەتەگە وت؛ هەژمار خاسەوبویەیل نوو لە ڤاێڕۆسەگە بویە ٢٨٨٦ کەس، وهەژمار گشتی خاسەوبویەیل بویە ٣١٦٣٤ کەس، و هەژمار مردگەیل نوو بویە ٩ کەس، تا هەژمار قوربانیەیل کۆڕۆنا بودە ٣٢٩ مردگ.
لای خوەیەو، وەزارەت تەندروسی عومانی لە لاپەڕ تویتەر خوەی ، ئمڕوو سێشەممە نویسان؛ ٢٩٢ تویشهاتگ نوو کۆڕۆنا تۆمار کریا، ١١٩ لەلیان عومانیین، و ١٧٣ عومانی نین، وەیەوە گشت تویشهاتگەیل عومان بوونە ٥٦٧١ کەس، وزارەت تەندروسی عومان لە مردن یەک تویشهاتگ تەمەن ٥٧ ساڵان خه‌ور دا تا مردگەیل بڕەسنە ٢٦ کەس.
لە قەتەر، وزارەتە تەندروسیەگەی، لە لاپەڕەی تویتەر خوەی نویسان؛ ١٦٣٧ تویشهاتگ نوو ڤاێڕۆس کۆڕۆنا تۆمار کریاگە، تا هەژمار گشتی بڕەسێدە ٣٥٦٠٦ کەس.
لە کوەیت، ئاژانس خەوەرەیل فەرمی لە زوان وەزیر تەندروسی نویسان ک ٣٤٢ تویشهاتگ کۆڕۆنا خاسەوبوینە، وهەژمار گشتی خاسەوبویەیل بویە ٤٦٨١ کەس.
لە ئیماڕات، وەزارەت تەندروسی تۆمارکردن ٨٧٣ تویشهاتگ نوو وە ڤاێڕۆس کۆڕۆنا راگەیان وه‌ل ١،٢١٤ خاسەوبوی، و ٣ مردن.
لە بەحرەین ، وەزارەت تەندروسی، ئمڕوو سێشەممە، ١٩٠ تویشهاتگ نوو وەڤاێڕۆس کۆڕۆنا تۆمار کرد، و٢١ کەس خاسەوبوی.