شوو کردن ژێر پانزه‌ساڵان ده ئێران، قانوونیه
شەفەق نیوز- تەقی روستەموەندی، موعاون وەزیر و بەرپرس سازمان ئێجتماعی ئێران وتگە: دە ئاواییەێلەێ ئێران، دۆتەێلە دە 13 ساڵان جوورێ باڵا ئەڵواقنن ک دە قوەێ شوو کردن ئەڵان.
ئەوی وتگە ک دە ئێران ئەر دۆتەێلەێ ژێر پانزە ساڵانیش بچنە دادگا و دادڕەس بویشێ ک ئەو دۆتە تەوانای مێرد کردن دیرێ دتوانێ دەس بکەێگە ژیان ژناشووی خوەێ و نەبایەد وە یە بویشیمن (زاڕوو وە شوو) داین.
روستەموەندی وتگە: فرە لە ژناشووییەێلەێ ژێر پانزە ساڵان دە ئێران، نزیک ئی ساڵەنە و لە 25 هزار ژناشوویێ ک ده نۆ مانگه‌ی سه‌رانی ئمساڵ کریاگە چواردە هزار و 629 لەیان دە چواردە ساڵان کەفتنە و نۆ هزار و 536 لەیانیش دە سێزدە ساڵان و 812 گلەیش دە دوانزە ساڵان و 248 گلەێ تریش دە یانزە ساڵان و یەک یا دو گلەیش دە ژێر دە ساڵان بینە.
ئی دەوڵەتی‌ئایمە وتگە ژناشووەێلەێ ژێر پانزە ساڵان دە ئێران، ئەر وە حوکم قازی ببن، هەم شەرعی و هەم قانوونیین و هەم وە شێوەێ رەسمیێ دنووسرن.
