شماره‌يگ زيندانيكرياگ له غوانتانامۆ جيواز ئه‌كريه‌ن ئه‌را سعوديه
2017-01-05T12:25:00+00:00
شه‌فه‌ق نيوز/ وه‌رپرسه‌يل ئه‌مريكى باس له‌وه كردن ك وڵاته‌يل يه‌كگرتگ 4 زيندانيكرياگ له زيندانيه‌يل غوانتانامۆ جيواز ئه‌كا سعوديه له ماوه‌ى 24 سه‌عات ئاينده.
له‌ى باوه‌ته‌و، سكاى نيوز له زووان ئيميلى هورن قسه‌كه‌ر وه‌ناو ماڵ چه‌رمگ وت: پيشبينى ئه‌وه ئه‌كه‌يم كرده‌وه‌يل جيوازكردن فيشتريگ ئه‌نجام بگرێد، وه‌لێ حاڵ حازر ناتويه‌نيم قسه له‌بان كاره‌يل جيوازكردن زيندانيه‌يل بكه‌يم تا وه‌ختيگ وه‌ته‌مامى ئه‌نجام ئه‌گرێد.
جى باسه، يه‌يش وه‌جبه‌ى يه‌كه‌مه له شماره‌ى ئه‌و زيندانيه‌يله ك 19 زيندانيكرياگن و جيواز ئه‌كريه‌ن ئه‌را 4 ده‌وڵه‌ت وه‌رجه ده‌سوه‌كاربوين دوناڵد ترامپ سه‌رۆك تازه‌ى هه‌ڵوژرياگ، يه‌يش له چوارچيوه‌ى هه‌وڵه‌يل باراك ئۆباما سه‌رۆك ئه‌مريكى ك خه‌ريكه ولايه‌تى ته‌مام ئه‌دێ.
