شماره‌ى كوشياگه‌يل يانه شه‌وانه‌گه‌ى ئه‌سته‌مبوڵ ره‌سيه 39 كه‌س
2017-01-01T11:12:00+00:00
شه‌فه‌ق نيوز/ شماره‌ى كوشياگه‌يل له په‌لاماره ترۆريستيه‌گه ئه‌را بان يانه شه‌وانه‌گه‌ى ئه‌سته‌مبوڵ له‌وه‌خت ئاهه‌نگسازى وه بوونه‌ى سه‌رساڵ تازه ره‌سيه 39 كه‌س و له‌ناونيانيش 16 كه‌سيان بيگانه‌ن.
له‌ى باوه‌ته‌و، واسب شاهين ولى ئه‌سته‌مبوڵ له كۆنگره‌يگ رووژنامه‌گه‌رى له‌شوون رويداگه‌گه، وت: پياويگ چه‌كدار وه‌شيوه‌يگ هه‌ڕه‌مه‌كى ته‌قه له رواده‌يل مه‌لهاى "رينا" كردگه له‌وه‌خت ئاهه‌نگ سه‌رساڵ له‌ناوچه‌ى ئۆرته كۆى.
جى باسه، له‌لايه‌ن خوه‌ييشه‌و، رووژنامه‌ى حوڕيه‌ت توركى باس له‌وه كرد ك ئه‌و په‌لاماره له‌لايه‌ن چه‌ن كه‌سيگه‌و ئه‌نجام درياگه‌و وه زووان عه‌ره‌بى قسه كردنه‌و سه‌رچه‌وه‌يل تريش ئاماژه وه ئه‌وه كردن ك په‌لامارده‌ره‌يل جنگ بابانوئێل له‌وه‌ريان بويه.
