شماره‌ى حاڵه‌ته‌يل مردن وه كۆرۆنا له ئه‌ڵمانيا به‌رزه‌و بوێ ئه‌را 872 كه‌س
2020-04-02T09:45:20+00:00
شه‌فه‌ق نيوز/ شماره‌ى تويشهاتن وه ڤايرۆس كۆرۆنا له ئه‌ڵمانيا به‌رزه‌و بوێ ئه‌را 73522 كه‌س، ك 872 كه‌سيش تائيسه گيان له‌ده‌سدانه.
وه‌گووره‌ى به‌ياننامه‌ى په‌يمانگاى "روبه‌رت كوخ" ئه‌را نه‌خوه‌شيه‌يل جيوازبوێ ك ئمڕوو بڵاويه‌و كرد، شماره‌ى تويشبوين وه ڤايرۆسه‌گه له ئه‌ڵمانيا 6156 حاڵه‌ت زياى كردگه وه به‌راورد وه‌ل دويه‌كه‌و شماره‌ى حاڵه‌ته‌يل مردنيش 140 حاڵه‌ت زياى كردگه.
جى باسه، ئه‌ڵمانيا وه پله‌ى په‌نجه‌م ئه‌ياد له‌ڕوێ جه‌هانييه‌و له‌باره‌ى شماره‌ى تويشهاتن وه ڤايرۆس كۆرۆناى تازه، وه‌لێ شماره‌ى حاڵه‌ته‌يل مردن له‌تى كه‌متره له وڵاته‌يل تر ئۆرپى جوور ئيتاڵيا و ئسپانيا و فره‌نسا.
