شاره‌زايه‌يل ته‌ندروستى: ئه‌و هه‌واڵه‌يل له توركيا هه‌ن له‌باره‌ى كۆرۆنا جى نيگه‌رانيه
شه‌فه‌ق نيوز/ شاره‌زايه‌يل ته‌ندروستى جه‌هانى، باس له‌وه كردن، ئه‌و هه‌واڵه‌يله ك له توركيا هه‌ن جى نيگه‌رانيه، ئه‌ويش دوياى به‌رزه‌وبوين حاڵه‌ته‌يل تويشهاتن وه ڤايرۆس كۆرۆنا ئه‌را 3629 حاڵه‌ت ته‌نيا له ماوه‌ى دو هه‌فته له تۆماركردن يه‌كه‌م حاڵه‌ته‌و.
ئه‌و شاره‌زايه‌يله ئه‌را روێته‌رز وتن: توركيا بايه‌سه رێ وشوون تونتر بگرێده وه‌ر ئه‌را مه‌ندن هاووڵاتيه‌يل له ماڵه‌يليان له‌وه‌ر كه‌مى رێ وشوونه‌يل وشكانن، يه‌يش جوور ئه‌وه‌گ سينان عه‌زميان سه‌رۆك ده‌سه‌ى فرياگوزاره‌يل پزيشكى توركى ئاماژه وه‌پيكرد.
عه‌زميان وت: جواودانه‌وه‌ى توركيا يه‌واش بويه له چه‌ن بواريگ جوور دوياخستن قاره‌مانێتى وه‌رزشى و كه‌ره‌نتين كردن ئهوانهگ له ده‌يشته‌و روێ له وڵاته‌گه كردنه، وه‌تايبه‌ت ك هه‌زاران كه‌س له عومره‌وه چينه‌سه‌و ئه‌را وڵاته‌گه.
جى باسه، يه‌يش له‌وه‌ختيگه تائيسه 75 كه‌س وه ڤايرۆس كۆرۆنا له توركيا گيان له‌ده‌سدانه و رێ وشوون وه‌رانوه‌ر نزيكه‌ى 20 هه‌زار كه‌س ئه‌نجام نه‌ياگه ئه‌را ئهوانهگ له سه‌ره‌تا كه‌ره‌نتين كردن چينه‌سه ناو وڵاته‌گه.
