شایەت ئیران یەک مەرز سنووری هەمیشە وەواز بیلێد

ئەوەیش مەوقەی وەسەرکردن مەرز خسرەوی وەرد عراق هات.

  میدیایل راگەیانن فەرمی ئیران لەزوان عەمید شەرەفی وتن: مەرز خسرەوی لە مەرزە گرنگەیلە ئەرا ئیران، و شمارەی گەورەیگ لە زیارەتچیەیل ئیمام حسێن وەپیا رەد بوود وەرەو عراق و وەپیا گلەو خوەن، لەوەر شوین جوگرافیی گونجیاگی، و خزمەتگوزاری گونجیاگ ناوی.

وتیش: لایەن عراقی رەزامەنی گەورەیگ وەرد داواکانی داشتگە، ک داوا کردیمن ئی مەرزە لە گشت ساعەتەیل لە مەوقەی زیارەت چلەی ئیمام حسێن وەواز بمینێد. 

هەمیش دووپات لە گەشەپیدان ژیرزەمینەیل مەرزەی مهران و شەلامچە کرد، وتیش؛ لە گوزەشتە کەموکوڵی لەی چینە بوی، و تەقەلا دەیمن لە وەرز زیارەت ئمساڵ ئەوە نەمینێد.