شەپوولیگ واران 250 هەزار ئەمریکی بی کارەبا کەێد
2024-01-13T08:59:16+00:00
شەفەق نیوز/ شەپوولیگ وەفر و سەما ئەمریکا گردیەسەو کە بویەسە مدوو بی کرەبا بوین 250 هەزار کەس لە دوو ویلایەت ئەمریکا مەزەنە کرێد کۆتایی ئێ هەفتە کۆتایی وە شەپۆلەگە باێد.
ئاژانسەیل خەوەری بڵاویکردنە، شەپوولەگە ئەوەنە توون بویە 151 هەزار کەس لە ویلایەت میشیگن 102 کەس لە ویلایەت وێسکونسنیش کارەبایان بڕیایە و بی کارەبا بوینە.
وەپای کۆمپانیای مژار فرۆکەوانی لەهەمان وەخت زیاتر لە 7 هەزار و 600 گەشت ئاسمانی دویاخریانە، وە مدوو ناجیگیری کەشوهەوا.
زوقوم قایمیگ ئمساڵ ئەمریکا گردیەسەو وە جویریگ کە ئاستەنگ نوڕستن و دروسکردیە و ریگەیل دەێشت شار بەسیان وە مدوو مەترسیەیل رویداو هاتوچو.
