شەپوولیگ گەرمی دەێد لە پاکستان دەسڵاتدارەیل نزیکەی هەزاران چادر دانەن ئەرا بەرەنگاربوینی
2024-05-22T07:49:50+00:00
شەفەق نیوز/ پاکستان نزیکەی هەزاران چادر لەگشت هەرێم سەند لە باشوور دانەێد ئەرا ئەو شەپوول گەرمایە کە مەزەنەکرێد کاریگەری وەبان گروپەیل لاواز بیاشتوود، وەپای ئەوەگ وەرپرسەیل ئیدارەی کارەساتەیل وڵاتەگە خەوەردانە.
ئیدارەی کەشناسی پاکستان مەزەنەکەێد پلەی گەرمی بڕەسێدە 50 پلەی سیلیزی لە بەشەیلیگ لە کنار سەنەد
ئاجای کۆمار، دەسمیەتیدەر وەڕێوەبەر دەسەی ئیدارەی کارەساتەیل هەرێمی وە ئاژانس فرانس پرێس راگەیان، "ئێ چادرەیلە دانرێد ئەرا پیشکەشکردن هاوکاری وە زەرد دیەیل و دەسمیەتیدان ئەرا سنووردارکردن حالەتەیل گەرما و ئەو بیماریەیلە پەیوەنی وە گەرماوە دیرن".
وتیش، "ئەو شوینەیلە ئەرا هچان و پیشکەشکردن ئاو و گلۆگۆز وە مەردم دابینکریایە ئەرا وەختەیل پێویست".
شەپوول گەرمی لە ماوەی هەفتەی ئایندە روی لە فرەیگ شوینەیل پاکستان کەێد.
