شەو تونوتیژیگ لە فەرەنسا...دەسگیرکردن 421 کەس ماکرۆن چوودە کۆبوینەوەی زویوەزوی
2023-06-30T07:21:06+00:00
شەفەق نیوز/ رویبوینەوەیل، دویەشەو پەنجشەممە، وەردەوامە، لە شمارەیگ لە ناوچەیل دەوروگەرد پاریس و شمارەیگ لە شارە گەپەیل جویر لیل ولیون و مرسیلیا و رانس وستراسبورغ و نانت، خوەنیشاندان کردن ئەرا کوشیان کوڕیگ وە گولەی پۆلیس فەرەنسا.
ناوخوەی فەرەنسا راگەین 421 کەس لەماوەی چەن ساعەتیگ دەسگیرکریانە.
وەزیر ناوخوەی فەرەنسا جیرالد دارمانان وت وەدویاچگن ئەرا باودۆخەگە کەن لە بنکەی ئۆپراسیۆنەیل پۆلیس لە وەزارەتەگە.
قسەکەر ناوخوەی فەرەنسا لە باوەت بارودۆخە ئاڵۆزەگەی ناوچەی نانتیر راگەیان " توخمە تونڕەوەیل" ئامادەی رویوەرویبوین نەوەن.
لەئەنجام رویوەروی بوینەوەیل شمارەیگ زەخمدار کەفتیە لە کڕ پۆلیس، لەلایگیش شمارەیگ ئاگرکەفتن و تاڵانکردن لە شمارەیگ کویچە و جادە وەناوبانگەیل پاریس رویدایە، لەناوبەینیشی جادەی ریفولی و گۆڕەپان شاتلیە.
ئمڕوو جومعە، سەرۆکایەتی فەرەنسا "ئلیزیە" راگەیان سەرۆک فەرەنسا ئیمانۆیل ماکرۆن کوبوینەوەی خێرای ئەرا حکومەت ئەنجام دا ئەرا گفتوگوکردن لە بارودۆخ ناجگیرەگەی وڵاتەگە.
