سوپاى سودان شكه‌ست وه‌هه‌وڵ كوده‌تايگ هاورد
شه‌فه‌ق نيوز/ هيزه‌يل چه‌كدار سودانى، ئاشكراى ئه‌وه كرد ك هه‌وڵيگ كوده‌تا ئاشكرا كردگه‌و له‌تى سه‌رۆك ئه‌ركان هاوبه‌ش و شماره‌يگ له ئه‌فسه‌ره‌يل سه‌ر وه هيزه‌يل چه‌كدار و ده‌زگاى ئه‌من و هه‌واڵگيرى نيشتمانى وه پله‌يل به‌رز له‌تى به‌شدار بوينه.
له‌و باوه‌ته‌و، ئاژانس هه‌واڵه‌يل سودانى(سونا)له زووان هيزه‌يل چه‌كدار له به‌ياننامه‌يگ وت: شكه‌ست وه هه‌وڵ كوده‌تايگ هاورياگه ك له‌تى فه‌ريق يه‌كه‌م روكن عه‌بدولمته‌لب ئه‌حمه‌د سه‌رۆك ئه‌ركان هاوبه‌ش و شماره‌يگ له ئه‌فسه‌ره‌يل پله‌ى باڵا به‌شدارى له‌تى كردنه و ئيه‌سه‌يش په‌جورى وه‌ليانا ئه‌كريه‌ێد ئه‌را دادگاييكردنيان.
به‌ياننامه‌گه هه‌ميش وت: ئامانج له‌و هه‌وڵ كوده‌تاى سه‌رنه‌كه‌فتگه ئه‌وه بويه شۆڕش ملله‌ت له‌ناو بوريه‌ێد و رژيم كۆنگره‌ى نيشتمانى باريه‌ێده ئه‌را حوكم و رێ له‌وه‌رده‌م چاره‌سه‌ر سياسى بوڕيه‌ێد ك چه‌وه‌ڕێ دامه‌زرانن ده‌وڵه‌ت مه‌ده‌نى له‌لى ئه‌كريه‌ێد.
