سوپاى توركى و فه‌سيله‌يل لايه‌نگرى چينه‌سه‌‌ ناو شار عه‌فرين

شه‌فه‌ق نيوز/ سوپاى توركى و چه‌كداره‌يل فه‌سيله‌يل ئۆپۆزسيۆن چه‌كدار سورى، چينه‌ ناو شار عه‌فرين سوريه‌و.

له‌ى باوه‌ته‌و، سه‌رچه‌وه‌يل كوردى له‌ سوريا، ئه‌وه‌ ده‌رخستن ك هيزه‌يل سوپاى ئازاد سورى چينه‌سه‌ ناو شار عه‌فرين له‌ دو محوه‌ر خوه‌رهه‌ڵات و خوه‌رئاواوه‌و زاڵ بوينه‌سه‌ بان گراج كويه‌ن و ئه‌شره‌فيه‌و جمه‌يليه‌.

جى باسه‌، له‌لايه‌ن خوه‌ييشه‌و، بروسك حه‌سه‌كه‌ قسه‌كه‌ر وه‌ناو يه‌كه‌يل پاسه‌وان ملله‌ت كورد وت: په‌لاماره‌يل زه‌مينى و ئاسمانى وه‌رده‌وامه‌ ئه‌را بان شار عه‌فرين و سوپاى توركى وه‌گشت هيزيگه‌و هه‌وڵ ئه‌ياد بايده‌ ناو شاره‌گه‌و هه‌ر وه‌و خاتريشه‌ جه‌نگ سه‌خت ده‌س وه‌پيكردگه‌.