سووریا.. گیانلەدەسداین 3 کراکار وە تەقینەوەیگ لە وێستگەیگ گەرمی

شەفەق نیوز- دیمەشق

سەرچەوەیگ ناوخۆیی سووری، ئمڕوو سێشەممە، خەوەردا لە گیانلەدەسداین سێ لە کراکارەیل وێستگەی گەرمی لە شار بانیاس لە پارێزگای تەرتووس، لە ئەنجام تەقینەوەیگ کە لە یەکیگ لە تانکییەیل رۊدا مەوقەی جیوەجیکردن کارەیل خاسەوکردن.

سەرچەوەیل، ئەرا ئاژانس شەفەق نیوز وتن، کە تەقینەوەگە مەوقەی کارەیل خاسەوکردن لەناو وێستگەگە رۊدا، لە وەختیگ تا ئیسە هۊردەکارییەیل وە شیوەیگ تەواو ئاشکرا نەۊنەسەو و هیچ بەیاننامەیگ فەرمی دەرنەچگە کە سروشت ئەو تانکییە ئاشکرا بکەێد کە رۊداوەگە لەناوی رۊ داگە.

 وێستگە گەرمییەگە لە بانیاس کەفێدە بان کەناراو سووری، و چەن گرووپیگ ئەرا بەرهەمهاوردن هاز کارەبا لەخوەی گرێد.

 وێستگەگە لە ساڵەیل گوزەشتە رۊداوەیل گریەدریاگ وە کارەیل هونەری و خاسەوکردن وەخوەی دی، لەناویانیش تەقینەوەیگ لە یەکیگ لە گرووپەیلی کە لە ساڵ 2022 بۊیە مدوو زەخمداربۊن دوو کراکار.