سوريا.. چەکدارەیلیگ پەلامار بارەگایگ ئەمنی دەن لە لازقیە

شەفەق نيوز- دیمەشق 

سەرچەوەیلیگ ئەمنی سوری، ئمڕوو چوارشەممە، خەوەردان کە بارەگای ئاسایش تاوانی لە لازقیە کەفتە وەر پەلاماریگ چەکدار، و باس تەقەکردن سەختیگ لەناو شارەگە کرد.

وەگورەی میدیایل سوری، هیزەیلیگ لە وەزارەت وەرگری سوریا وەرەو ناوچەی جەنگەگە روی کردن تا وەگەرد ئەو لایەنە رەفتار بکەن کە پەلامار بارەگا ئەمنیەگە داگە.

  هەرلیوا، دویەکە سێشەممە، روانگەی ماف مرۆڤ سوریا خەوەردا لە بەرزەوبوین ئامار کوشیاگەیل لە جەنگ سوەیدا ئەرا 224 کەس.