سوريا باس له په‌لاماريگ تيرۆريستى كرد ئه‌را بان دامه‌زرياگه‌يل نه‌فتى و غازى
2019-12-21T08:25:35+00:00
شه‌فه‌ق نيوز/ سه‌رچه‌وه‌يگ له وه‌زاره‌ت نه‌فت سوورى باس له‌وه كرد په‌لاماره‌يليگ تيرۆريستى ريكخرياى نه‌فتپاڵوو حمس و كارخانه‌ى غاز باشوور له‌ناوچه‌ى ناوڕاس و وێسته‌گه‌ى غازى ئه‌لڕه‌يان گرتنه‌سه ئامانج.
سه‌رچه‌وه‌گه وت: پيشينى ئه‌وه‌يش ئه‌كريه‌يد ئه‌و په‌لاماره‌يله له‌ڕێ ته‌ياره‌يل بى ته‌ياره‌وانه‌و ئه‌نجام درياوين جوور ئه‌وه‌گ هووكاره‌يل ره‌سانن رووسى باس له‌لى كردنه.
جى باسه، سه‌رچه‌وه‌گه هه‌ميش وت: ئه‌و په‌لاماره‌يله بوينه‌سه هووكار كه‌فتنه‌وه‌ى ئاگر له لويله‌يل فڕن خاسكردن پترۆلى له نه‌فتپاڵوو حمس، وه‌لێ كۆنترۆڵ كرياگه.
