سوريا ئاشكراى روێ وه‌ڕوێ بوينه‌وه‌ى په‌لاماريگ ئسرائيل كرد

شه‌فه‌ق نيوز/ ئه‌فيخاى ئه‌درعى قسه‌كه‌ر سه‌ربازى ئسرائيلى وت: ئسرائيل په‌لامار ئامانجه‌يليگ ئيرانى و سوورى داگه‌ له‌ناو خاكه‌يل سوريا له‌ جواو ئه‌و مووشه‌كه‌يله‌ ك وه‌رجه‌ رووژيگ وه‌شريا وه‌ره‌و ئسرائيل.

وه‌ل ئه‌وه‌يشا بنيامين نه‌تانياهۆ سه‌رۆك وه‌زيره‌يل له‌ دوياى ئه‌و په‌لاماره‌يل فراوانه‌ ك هيزه‌يل ئاسمانى ئه‌نجامى دان ئه‌را بان شوونه‌يليگ سه‌ر وه‌ فه‌يله‌ق قودس ئيرانى و سوپاى سوورى له‌ سوريا وت: ئى په‌لاماره‌يله‌ جواودانه‌وه‌يگ بويه‌ له‌بان ئه‌و چوار مووشه‌كه‌ ك دويه‌كه‌ وه‌ره‌و ناو خاكه‌يلمان وه‌شرياگه‌.

جى باسه‌، نه‌تانياهۆ هه‌ميش وت: ئيمه‌ په‌لامار هه‌ر يه‌كيگ ئه‌يه‌يم ك ده‌سدريژى بكاده‌ بانمان و وه‌گشت شيوه‌يگ مقه‌يه‌تى له‌ ئاسايش ئسرائيلى ئه‌كه‌يم.