سوریا.. دەسگیرکردن باڵ سەربازی رژیم وەرین

شەفەق نیوز/ وەزارەت ناوخۆی سوریا، ئمڕوو چوارشەممە، دووپات کرد کە وەڕیەوبەرایەتی ئاسایش دیمەشق ماهر زیاد حەدید دەسگیر کرد، کە باڵ هەواڵگری سەربازی لە گەڕەک تزامون بویە لە سەردەم رژیم وەرین سوریا.

 وەزارەتەگە وت: حەدید دەسی لەناو تاوانەیل کوشتن و بڕین و دەسگیرکردن و شکەنجەدان خەڵک ئەو گەڕەکە بویە.

وتیش: ئەرا دادوەری کلکریا تا ریکارەیل یاسایی تەواو بکەن.

 دەسەڵاتەیل سوریا، هەڵمەتیگ وەشکین لە بڕیگ پارێزگای سوریا جیوەجی کەن، ئەرا دەسگیرکردن ئەو سەربازەیلە کە دەسیان لەناو تاوانەیل لە ماوەی دەسەڵات بەشار ئەسەد بویە.