سوپای ئەمریکا ویرانکردن فرۆکەیل بیفرۆکەوان و دوو سیستەم مووشەک حووسییەیل راگەینێد

شەفەق نیوز/ فەرماندەیی ناوەندی لە سوپای ئەمریکا، ئمڕوو چوارشەممە، راگەیان کە توەنست ٥ فڕۆکەی بێفڕۆکەوان و دوو سیستەم مووشەک ویران بکەێد، لە ناوچەیلیگ وەدەس حووسییەیل لە یەمەن.

آلە بەیاننامەیگ وت: لە ماوەی ٢٤ ساعەت گوزەشتە، هیزەیل فەرماندەیی ناوەندی ئەمریکا توەنستن پەنج فڕۆکەی بێفڕۆکەوان سەروە حووسییەیل ویران بکەێد کە لە ئیران پاڵپشتی کریانە، وەگەرد دوو سیستەم مووشەک لەو ناوچەیلە کە گرووپ حووسییەیل لەناویان زاڵە لە یەمەن.

وتیش: دەرکەفت کە ئی سیستەمەیلە هەڕەشەیگ ئاشکرا و نزیک وەبان هیزەیل ئەمریکا و هیزەیل هاوپەیمانی لە ناوچەگە دروس کەن، و ئی ریکارەیلە ئەرا مقیەتیکردن ئازادی کەشتیوانی جیوەجی کریا و تا ئاو ناودەوڵەتی ئارامتر بوود ئەرا کەشتییەیل ئەمریکا و هیزەیل هاوپەیمانی و کەشتیەیل بازرگانی.