سوپای ئەمریکا: لەناوبردن ٨٠ دڕۆن کە لە ئیران و یەمەنەو وەرەو ئیسرائیل وەشیانە
2024-04-15T08:03:18+00:00
شەفەق نیوز/ فەرماندەیی ناوەندیی ئەمریکا، ئمڕوو دووشەممە، راگەیان کە هیزەیلی وە پاڵپشتی ویرانکەرەیل ئەوروپا لە رووژەیل ١٣ و ١٤ی نیسان ئمساڵ زیاتر لە ٨٠ فڕۆکەی بێفڕۆکەوان و لەلای کەمەو شەش مووشەک بالیستیکی خستنە خوار کە لە ئیران و یەمەنەو وەرەو ئیسرائیل وەشیانە .
لە بان پلاتفۆرم “X” بڵاو کرد کە مووشەکیگ بالیستیکی لەبان سەکوو وەشیانی و هەفت فڕۆکەی بێفڕۆکەوان لەناو ئی شمارەس کە وەرجە باڵگردنیان لە ناوچەیل میلیشیای حوسییەیل لەبان زەوی لەناو بریانە.
رووژ شەممەی گوزەشتە، ئیران وە فڕۆکەی بێفڕۆکەوان و مووشەک پەلامار ئیسرائیل دا، یەیش لە وەڵام پەلامار ئیسرائیل لەبان باڵیۆزخانەگەی لە سوریا لە 1 نیسان، کە لە ئەنجامی سەرکردەیلیگ سوپای پاسداران ئیران کوشیان.
سوپای ئەمەریکا راگەیان؛ "فەرماندەیی ناوەندی ئەمریکا لە وەرانەور ئی کار رخبەر ئیرانە ئامادەس ئەرا پشتیوانی لە وەرگریکردن لە ئیسرائیل. ئیمە وەردەوام بویمن لە کارکردن وەرد گشت هاوبەشەیلمان لە ناوچەگە ئەرا بەرزکردن ئاسایش ناوچەگە".
