سوپای عراق کەرت قەڵغانەیل خەێدە جویلە ئەرا قایمکردن سنوور سوریا و ئوردن
شەفەق نیوز/ سەرچەوەیگ ئەمنی، ئمڕوو دووشەممە، خەوەردا کە کەرتەیل قەڵغانی لە سوپای عراق، روی وەرەو پارچەی سنووری وەرد سوریا و ئوردن کردن، ئەرا قایمکردنیان، لە پشت رەوشەیل ئەمنی وەی دویاییە.
سەرچەوەگە ئەرا ئاژانس شەفەق نیوز وت: کەرتەیل قەڵغانی لە سوپای عراق، کەفتنە جویلە ئەرا پاڵپشتیکردن سنوورە وازەیب لە شار قائیم لەشان سوریا و تا سنوور ئوردن.
وتیش: ئی جویلە دەستی پاڵپشتیکردن کەرت باکوور خوەرئاوای نەینەوا وە کەرتەیل قەڵغانی تیەێد.
لە ٢٧ تشرین دویەم، دەسکریا تەقەکردن ز جەنگ ناوەین باڵەیل چەکدار سوری وەگەرد هیزەیل سوپای سوریا.
باڵە چەکدارەیل زویوەزوی رەسینە شار حەلەب وەگەرد چون ناوچەیلیگ لە دەورگرد ئیدلیب تا ئیوارەی جمعە، ئیجا وەشەو رەسینە بەشەیل فراوانیگ لە شارەگە.
باڵە چەکدارەیل رەسینە مەیدان سەعدولڵا جابری لە ناوەند شارەگە، و بینای پارێزگاگە و بنکەیل پولیس و قەڵای حەلەب.
پیرەکە شەممە، باڵە چەکدارەیل گشت پارێزگای ئیدلیب کۆنترۆڵ کردن، دویای ئەوەگ رەسینە چەن شوینیگ لە دەورگردی جزبێ شار مەعرەت نوعمان و خان شیخون.
