سوپای ئیسرائیل وە فەرمان نتنیاهو پەلامار حزبولڵای لوبنان دەێد

شەفەق نیوز/ سوپای ئیسرائیل، ئمڕوو شەممە، راگەیان کە پەلامار ئەنجامەیلیگ سەروە حزبولڵا داکە، دویای فەرمان بێنیامین نتنیاهو سەرۆک وەزیرەیل ئیسرائیل، وە پەلاماردان دەیان ئامانج لە لوبنان کە وە (تیرۆرست) باسیان کرد.

تەلەڤزیۆن فەرمی لوبنان وت: کەسیگ کوشیاس و سێ کەسیش زەخمدار بوینە لە ئەنجام گورزیگ ئاسمانی ئیسرائیل لەبان ئاواییگ لە باشوور لوبنان، دویای ئەوە کە مووشەک لە لوبنانەو ئەرا ئیسرائیل وەشیا.

 نویسنگەی نتنیاهو لە بەیاننامەیگ وت: لە وەڵامدان وەشانن مووشەک وەبان ئیسرائیل وەی شەوەکیە، بێنیامین نتنیاهو سەرۆک وەزیرەیل و یسرائیل کاتس وەزیر وەرگری فەرمان ئەرا سوپا دەرکردن وە جویلەکردن سەختیگ وەبان دەیان ئامانج تیرۆری لە لوبنان.

دویای ماوەی کوڵیگ لە بەیاننامەگەی نتنیاهو، سوپای ئیسرائیل پەلاماردان شوینەیل حزبولڵا لە باشوور لوبنان راگەیان.

هیزەیل ناودەوڵەتی لە لوبنان (يونيفيل) داوا لە گشت لایەنەیل کرد هویچ گامیگ نەنەن کە شایەت ئی پیشکەفتنە کە کەفتیەسە دەس بخەێدە وەر رخداری، وتیش: هەر پەلاماریگ ترەک دەرئەنجامەیل بەدیگ لەبان ناوچەگە دیرێد.

  شەوەکی ئمڕوو، هەناێ حزبولڵا 5 مووشەک وەرەو ئیسرائیل وەشان، بویە ئاڵووزی، کە وەزیر وەرگری ئیسرائیل لەبان ئەوە وت: وەرپرسایەتی ئی کارە خەێدە مل حکومەت، و هەڕەشەی پەلاماردان بەیروت دا وەرانوەر پەلاماردان ناوچەی متلە لە باکوور ئیسرائیل.