سوپای ئیسرائیل وەخوارخستن دویەمین درۆن عراقی راگەینێد وەماوەی دوو هەفتە
شەفەق نیوز/ سوپای ئیسرائیل، ئمڕوو چوارشەممە، وەخوارخستن فرۆکەیگ بیفرۆکەوان راگەیان کە لە عراقەو کل کریاس، کە یە دویەم فرۆکەی بێفڕۆکەوانە کە وەخوەی دوو هەفتە ئیسرائیل خەێدە خوار.
سوپای ئیسرائیل لە بەیاننامەیگ کە ئاژانس شەفەق نیوز ئەڵگەڕدانی کرد وت: فڕۆکەیل جەنگی هیزەیل ئاسمانی ئیسرائیل، لەوەخت زوییگ ئەمروو چوارشەممە، فرۆکەیگ بیفرۆکەوان خستە خوار کە لە عراقەو هاتیە و رەسیە نزیک دەریای جەلیل.
بەیاننامەگە وتیش: دویای کوشتیان فیکەی هوشداری لە تەبریا و چەن ناوچەیگ ترەک ناوەین ساعەت 4:32 و4:36 شەوەکی، و جاریگ ترەک دویای وەخوارخستن فڕۆکەیل بیفرۆکەوان فیکەی هوشداری کوتیا، لەوەر کەفتنە پارچە و پەراشە، و هویچ زەخمدارییگ توومار نەکریاس.
شەوەکی چوارشەممەی گوزەشتە ٤ ئەیلوول، سوپای ئیسرائیل راگەیان کە وەرگری ئاسمانی ئیسرائیل نواحسێی درۆنیگ کرد کە لە عراقەو وەشیاس، و وەرەو ناو زەویەیل ئیسرائیل روی کرد.
سوپای ئیسرائیل دیاری کرد کە لە ساعەتەیل دەسەشە، وەرگری ئاسمانی نواگیری فڕۆکەیگ بێفڕۆکەوان کرد وەرەو ناو زەویەیل ئیسرائیل هاتیاد لەلای خوەرهەڵاتەو، وتیش: ئی دڕۆنە نەڕەسیە ئاسمان ئیسرائیل.
وەگورەی میدیایل راگەیانن، وەرگری ئاسمانی بەنزین سنوور ئوردن ئەو فڕۆکە خستە خوارەو.
