سوپای ئیسرائیل: نواگیری ٩٩ لەسەد مووشەک و دڕۆنەیل ئیران کردیمن
ئەدرعی لە بەیاننامەیگ لەبان سایت (ئێکس) وت: دویەشەو ئیران پەلاماریگ وەبان ئیسرائیل ئەنجام دا، و زیاتر لە ٣٠٠ هەڕەشە وە چەک جویراجویر ئەرا ئیسرائیل کلکرد، وە مووشەک بالیستیک و فڕۆکەیل بێفڕۆکەوان، و مووشەک کروز.
وتیش؛ هەڕەشەی ئیرانی رویوەڕوی باڵادەسی ئاسمانی و تەکنەلۆژیای سوپا و وەرگری وە بەشداریکردن هاوپەیمانی وەهیزیگ بویەو، کە توەنست نواگیری فرەیگ لە هەڕەشەیل بکەێد، وتیش: نواگیریکردن ٨٩ لەسەد لەو هەڕەشەیلە وەرەو زەویەیل ئیسرائیل کردیمن.
قسەکەر سوپای ئیسرائیل وتیش: لە ١٧٠ فڕۆکەی بێفڕۆکەوان کە ئیران وەشانیە، تەنیا یەکیگیانیش نەڕەسینە ناو ئیسرائیل کە چەک ئاسمانی ئیمە و هاوپەیمانمان دەیان لەلیان خستنە خوار.
وتیش: لە زیاتر لە ٣٠ مووشەک کروز ئیران وەشانیە، تەنیا یەکیگیانیش نەڕەسینە زەوی ئیسرائیل، کە فڕۆکەیل جەنگی ئیمە لە دەیشت سنوور ئیسرائیل نواگیری ٢٥ مووشەک لەلیان کرد.
ئەدرعی لە کۆتایی وتیش؛ لە ١٢٠ مووشەک بالیستیکی، شمارەی فرە کەمیگ لە سنوور ئیسرائیل رەد کرد، و ئەوەکان نواگیری کریان، وتیش؛ ئی شمارەی کەمە کەفتە سەربازگەی چەک ئاسمانی لە نفاتیم، و زەرد سووکیک وە ژیرخانی راسان، و سەربازگەگە لە کار خوەی وەردەوامە.
