سوپای ئیسرائیل نواگیریکردن نزیکەی 20 مووشەک راگەینێد کە لە لوبنانەو هاتنە

شەفەق نیوز/ سوپای ئیسرائیل، شەوەکی ئمڕوو جمعە، روانگەکردن نزیکەی لە 20 مووشەک لە لوبنانەو راگەیان، و بەشیگیان نواگیری گریان و بەشیگ لە شوینەیل وازیگ کەفتن.

سوپای ئیسرائیل لە بەیاننامەیگ وتیش: ئەو 20 مووشەکە لە زەوی لوبنانەو وەرەو حەیفا و کریات شمونە و جەلیل رەد بوین.

لەلای خوەییش، حزبولڵا لە بەیاننامەیگ پەلاماردان کریوت باکوور حەیفا وە مووشەک راگەیان.

وتیش: ئەوەیش لە وەڵامدان وەبان دەسدرویژی وەحشیانەی ئیسرائیل وەبان شار و ئاوایەیل و مەدنیەیل تیەێد.

ئی گورزەیلە دویای کوشیان 37 کەس لەلای کەمەو و زەخمداری 151 کەس لەئەنجام گورزەیل ئیسرائیل، دویەشەو پەنجشەممە تیەێد، کە ناوچەیلیگ جیاجیا لە لوبنان کردنە ئامانج، وەگورەی راگەیانن وەزارەت تەندروسی لوبنان، وەگەرد هەسەوک گورزەیل ئیسرائیل وەبان شوینەیلیگ کە ئویشێد هن حزبوڵا بوینە لە لوبنان.