سوپای ئیسرائیل.. لەسەرەتای جەنگەو تا ئیسە 12 هەزار کەس زەخمداربوینە و بڕ خەرج هەر یەکیگیان 40 هەزار دۆلارە
شەفەق نیوز/ دەزگایەیل راگەیانن ئیسرائیلی، ئمڕوو سێشەممە، خەوەردا لەسەرەتای جەنگەو تا ئیسە بەش بوژانەوەی خەستەخانەیل پیشوازی کردنە لە نزیکەی 12 هەزار زەخمدار لە ئەندامەیل سوپای ئیسرائیلی.
رادیۆی ئیسرائیل ئاشکرایکرد، دەور یەک چارەکیان کە نزیکەی 8000، تویش کەلەمەداری لە لەشیان هاتنە و نزیکەی نیمەشیان تویش کاردانەوەی دەروینی هاتنە.
رووژنامەی "یدیعوت ئەحرونوت" راگەیان، لە ماوەی یەک مانگ ئۆپراسیۆنەیل سەربازی لە لوبنان 900 زەخمداری توومارکریاس، دیاریکرد گشت مانگیگ نزیگەی هەزار زەخمدار لە بەش بوژانەوەی سەر وە وەزارەت وەرگیری خریەنەناو.
شمارەی زەخمدارەیل لە باکوور لە ماوەی یەک مانگ گوزەشتە رەسیە نزیکەی 50% لەوەر بەڕەنگاربوینەوەیل هشکایی لە لوبنان، نزیکەی 1500 کەس لەماوەی دەسوەپیکردن جەنگ تا ئیسە دووجار زەخمداربوینە.
دەزگایەیل راگەیان بڕ خەرج چەودێری ساڵانە و پاڵپشتی زەخمداری جەنگ مەزەنەکردنە وە نزیکەی 150 هەزار کە کەێدە (نزیکەی 40 هەزار دۆلار) ئەرا هەر تاکیگ.
