سوپای ئیسرائیلی راگەیان شمارەی کوشیاگەیلی بەرزەوبویە ئەرا 562 سەرباز
2024-02-04T07:44:59+00:00
شەفەق نیوز/ سوپای ئیسرائیلی، ئمڕوو یەکشەممە، راگەیان کوو شمارەی کوشیاگەیلیان لە هەفت مانگ ئۆکتۆبەر وەرین تا ئیسە بەرزەوبویە و رەسیە ئەرا 562 کەس.
سوپای ئیسرائیلی وت "سەربازیگ لە دەسەی ئەندازیارەیل دویەشەو شەممە لە جەنگیگ باشوور کەرت غەزە کوشیایە".
سوپای ئیسرائیلی ناسنامەی سەربازە کوشیاگە ئاشکەراکردیە کە ناوی شەمعون یەهوشع ئەسولینە، تەمەنی 24 ساڵانە سەر وە دەسەی ئەندازیارەیل 924 بویە سەر وە خولەگەی لە لیوای هەرئیل 10.
وە کوشیان ئێ سەرباز یەدەگە، شمارەی ئەفسەر و سەربازە کوشیاگەیل ئیسرائیلی بەرزەوی کە لە غەزە کوشیانە لە سەرەتای ئۆپراسیۆنەیل هشکایی لە کەرتەگە رەسێدە 225 کوشیاگ لەناوەین سەرباز و ئەفسەرەیل.
