سوپای رووسیا چیە ناو خارکێڤ

شەفەق نیوز/ ئاژانس رۆیتەرز لە زوان راوێژكار وەزارەت ناوەخۆ ئەڵمانیا بڵاوکردیە هێزەیل سووپای رووسیا چینە ناو شار خاركێڤ لە خوەرهەڵات ئۆكراین و جەنگ وتەقەی تونیگ هەس لە شارەگە. 

یەیش لە وەختیگ دۊەشەو كەناڵ RT رووسیا بڵاوکرد فەرمان وە هێزەیل رووسیا دریاگە پەلامار وەرفراوان ئەرا بان  ئۆكراین دەسوەپی بکەن، دۊای ئەوەگ كیێڤ گفتووگو رەدکرد.  

وەگورەی سەرچەوەیل سوپای رووسیا لە چوار شۊنەو تەقەلای گردن شار كیێڤ پایتەخت ئۆكرانیا دەێد.  پارێزگاری كیێڤ ئمڕوو راگەیان، گشت شارەگە هالەژیر دەس هێزەیل ئۆکرانیا.