سوپای ئۆکرانی: 25 درۆن روسیا بەندەرەیل ئۆدیسا کەنە ئامانج
2023-09-03T07:17:12+00:00
شەفەق نیوز/ سوپای ئۆکرانیا، ئمڕوو شەوەکی، راگەیان، هێزەیل رووسیا لە ری درۆنەو پەلاماریگ ئەنجامدان وەبان ژیرخان بەندەرەیل ناوچەی ئۆدیسا،هەمیش ویستگەیگ قەتار لە مۆسکۆ چووڵەوکریا لەوەر خەوەر ئەوەگ بۆمبیگ بوینی هەس.
وە هویردی، سوپای ئۆکرانی وت، چەکەیل ئاسمانی 22 درۆن روسی لە جەم 25 درۆن لەناوبردیە لەناوچەی ئۆدیسا.
دەزگایەیل راگەیانن ئۆکرانیا لە باوەت ژنەفتن دەنگ تەقینەوەی تونیگ لە ئۆدیسا، هێزە ئاسمانیەیل ئۆکرانیا وتن، دوو مەدنی زەخمداربوینە وە پەلامار درۆنەیل روسی وەبان ژیرخانەیل بەندەر ناوچەگە.
پێگەی روسیا لە کەناڵە توومارەیل ئۆکرانیا لەبان "تلیگرام" وت، لەلای کەم 3 تەقینەوە لە ئۆدیسا توومارکریایە.
دیاریکرد مەزەنە کریەێد فرۆکەیل "گیران-2 " روسی پاسیگ سەربازی لە ناوچەیگ شان بەندەگە کردنەسە ئامانج.
