سعوديه گه‌شته‌يلى وسان و ده‌وڵه‌ته‌يل تازه‌يش هاتنه ناو ليست كۆرۆنا
شه‌فه‌ق نيوز/ سعوديه بڕيار وسانن گه‌شته‌يل ئاسمانى ناوده‌وڵه‌تيى دا ئه‌را ماوه‌ى دو هه‌فته، له سوو يه‌كشه‌ممه‌وه له‌چوارچيوه‌ى هه‌وڵه‌يلى ئه‌را ريگرى له بڵاوبوينه‌وه‌ى ڤايرۆس كۆرۆناى تازه.
له‌ى باوه‌ته‌و، ئاژانس هه‌واڵه‌يل سعودى(واس)له زووان وه‌رپرسيگ له وه‌زاره‌ت ناوخوه‌يى وڵاته‌گه، وت: ئى بڕياره وه‌گووره‌ى له‌وه‌رگرتن رێ وشوونه‌يل ته‌ندروستيه‌و له‌وه‌ر خاتر سه‌ڵامه‌تى هاووڵاتيه‌يله.
ئاژانسه‌گه له به‌ياننامه‌يگ وت: حكومه‌ت شانشين سعودى، بڕيار داگه گه‌شته‌يل ئاسمانى ناوده‌وڵه‌تى بووسنێد، ته‌نيا مه‌گه‌ر له حاڵه‌ته‌يل جيايگ نه‌دێ، ئه‌ويش ئه‌را ماوه‌ى دو هه‌فته‌و له سه‌عات 11ى رووژ يه‌كشه‌ممه‌وه.
له‌لايگ تره‌و وه‌زاره‌ت ته‌ندروستى مۆريتانى له به‌ياننامه‌يگ يه‌كه‌م حاڵه‌ت تويشهاتن وه ڤايرۆس كۆرۆناى تازه له وڵاته‌گه تۆمار كرد و وت: ئه‌و تويشهاتگه له 9 ئى مانگه له ئۆرپاوه گله‌و خواردگه ئه‌را وڵاته‌گه‌و تويش ڤايرۆسه‌گه هاتگه.
