سعوديه ئاشكراى هووكار ئاگرگرتن گه‌وراترين كارخانه‌ى دراوردن نه‌فت كرد له جه‌هان
2019-09-14T10:49:28+00:00
شه‌فه‌ق نيوز/ شانشين عه‌ره‌بى سعودى به‌ياننامه‌يگ ده‌ركرد له‌باره‌ى ئه‌و ئاگره ك ئمڕوو كه‌فته‌و له كارخانه‌ى ئارامكۆ له شار به‌قيق و ئاماژه وه ئه‌وه كرد ك له‌لايه‌ن ته‌ياره‌يل بى ته‌ياره‌وان "درون"ه‌و گيرياسه ئامانج.
له‌و باوه‌ته‌و، قسه‌كه‌ر ئه‌منى وه‌زاره‌ت ناوخوه‌يى سعودى وت: له سه‌عات چوار ده‌مه‌و شه‌وه‌كى ئمڕوو تيمه‌يل ئه‌منى پيشه‌سازى له كۆمپانياى ئارامكۆ ده‌سكردنه‌سه كوشاننه‌وه‌ى دو ئاگر له دو كارخانه‌ى كۆمپانياگه له پاريزگاى به‌قيق و هجره خه‌ريس، باس له‌وه‌يش كرد ئه‌و ئاگره‌يله له‌ڕێ ته‌ياره‌يل بى ته‌ياره‌وان درون كه‌فتنه‌سه‌و.
جى باسه، به‌قيق ئه‌كه‌فێده دويرى 60 كيلۆمه‌تر له باشوور خوه‌رئاواى زه‌هران له ناوچه‌ى خوه‌رهه‌ڵات له سعوديه، ك به‌قيق گه‌وراترين كارخانه‌ى دراوردن نه‌فت له جه‌هان له‌خوه‌ێ گرتگه.
