سزايه‌يل ئيجاره‌ێ ئه‌مريكا ئه‌را بان ئيران په‌ل وه‌ره‌و توركيايش كوتێد
شه‌فه‌ق نيوز/ وه‌زاره‌ت گه‌نجينه‌ى ئه‌مريكا باس له‌وه كرد ك سزاى تازه‌ى ئابوورييان له‌بان شماره‌يگ له كۆمپانياى توركى و ئيرانى چه‌سپاننه ك په‌يوه‌ندى وه ته‌ياره‌وانێ ئيرانه‌وه ديرن.
له به‌ياننامه‌ێ وه‌زاره‌ته‌گه ك شه‌فه‌ق نيوز ئاگادارێ بوێ، ئه‌وه ده‌ركه‌فت ك بڕێگ سزاى تازه‌ى ئابوورى له‌بان شماره‌يگ كه‌س و كۆمپانيا چه‌سپانگه ك له‌لايه‌ن ئيرانه‌وه ئه‌را مه‌رام هه‌نارده‌كردن تيرۆر ئه‌را جه‌هان وه‌كار ئه‌يه‌ريه‌ن.
وه گووره‌ى به‌ياننامه‌گه‌ى وه‌زاره‌ت گه‌نجينه‌ى ئه‌مريكا، سزايه‌يل ئيجاره‌ى واشنتۆن كۆمپانيايه‌يل" Mahan Air ،Caspian Air ،Meraj Air Pouya Air " ته‌ياره‌وانى ئيرانى و 31 ته‌ياره‌ى سه‌ر وه‌و چوار كۆمپانيا ئه‌گرێده خوه‌ێ، بيجگه سزاداين هه‌ردوگ كومپانياى " Blue Airways وDena Airways" ئيرانى.
جى باسه، ئه‌و سزايه‌يله هه‌ر يه‌ك له "گلینهال بیگان" هاووڵاتی توركی و كۆمپانیايه‌يل "Trigron Lojistik،RA Havacilik ،3G Lojistik" كه له‌لایه‌ن كۆمپانیای "Otik Aviation"ى توركییه‌و ئداره كريه‌ن ئه‌گرێده‌‌و.
