سزای پەنج ساڵ زیندانیکردن لەبان فائیزە رەفسەنجانی و قەیەغەی دەرچگن ئەرا دەیشت وڵاتی
2023-02-24T10:07:56+00:00
شەفەق نیوز/ ماڵپەر "هرانا" تایبەت وە ماف مرۆڤ لە ئیران خەوەردا دادگای وەپیاچگن تەهران سزای پەنج ساڵ زیندانیکردن لە دژ فائیزە رەفسەنجانی دەرکرد وەگەرد قەیەغەی دەرچگن لە وڵات.
دەسڵاتدارەیل ئیرانی فائیزە رەفسەنجانی لە مانگ سپتەمبەر /ئەیلەو لەدەسگیرکردنە، وە توومەت دروسکردن رخیگ لەبان رژێم گشتی و ئاسایش.
میدیایەیل فەرمی لە گوزەشتە خەوەردان ک وە توومەت " گاڵداین ئەرا ئاژاوەگیری" دەسگیرکریا لە تەهران لە ماوەی سەرهەڵداین خوەینیشاندانەیل ک وە بوونەی مردن دویەت کورد مەهسا ئەمینی لە دەسوەسەرکردنی لای پۆلیس رویدا.
