ئیسرائیل گورزەیلی وەبان زاحیە نووەو کەێد و تەندروسی لوبنان کوشیان ٤٠ کەس راگەینێد
شەفەق نیوز/ سوپای ئیسرائیل، ئمڕوو جمعە، پەلامارەیلی وەبان زاحیەی باشوور بەیروت پایتەخت لوبنان نووەو کرد، و هەمیش وەبان پەنح ئاوای لە باشوور لوبنان، ئەوەیش دویای کلکردن ئاگاداری ئەرا هاوڵاتیەیل وە چووڵکردن شونەیلیان وەکوتپڕ.
پەیامنێر تەلەڤزیۆن عەرەبی خەوەردا لە گورزەیل ئیسرائیل وەبان ناوپەیا حەدەس٨و حارەت حرێک لە زاحیەی باشوور بەیروت، وەگەرد گورزەیل نوویگ لە ناوچەی حەدەس لە زاحیەی بەیروت.
یەیش دویای ١٢ گورز وەلایەن فڕۆکەیل سوپای ئیسرائیل تیەێد کە دویەکە لە زاحیەی باشوور جیوەجی کریا، کە پەڵپ چووڵکردن ئاوایەیل تیبە و عدشیت قەسیر و دێر سریان و بورج شەمالی و مەعشوق گرد.
ئاژانس راگەیانن نیشتمانی وت: گورزەیل ئیسرائیل وەبان پارێزگای بەعلەبەک بویە هوکار کوشیان ٤٠ کەس و زەخمداری ٥٢ کەس ترەک.
لە پارێزگای جەنوب، ٥ کەس کوشیان و ٢٦ کەسیش زەخمدار بوین لە ئەنجام ئەو گورزەیلە وەبان ٩ ئاوای جیاجیا، و لە نەبەتیە پەلامارەیل ئیسرائیل بوینە هوکار کوشیان ٧ کەس و زەخمداری ٢٤ کەس ترەک، لەو گورزەیلە وەبان ١٠ ئاوای جیاجیا.
