ئیسرائیل وەرپرس گەپیگ حەماس لەباشوور لوبنان کەێدە ئامانج
2024-02-10T13:18:52+00:00
شەفەق نیوز/ سووپای ئیسرائیلی، ئمڕوو شەممە، راگەیان وەرپرس گەپیگ حەماس وە گورزەیلە کردیەسە ئامانج لە باشوور لوبنان، لەهەمان وەخت دەزگایەیل راگەیانن نزیک لە حزبوڵای لوبنانی راگەیان وەرپرسیگ فەڵەستینی لە ئوپراسیۆنیگ تیرۆرکردنقورتاری بویە.
راپۆرتەیلیگ لە لوبنان خەوەردا گورزەیلیگ لە فرۆکەیل درۆن ئیسرائیلی ماشینیگ لە گۆرەپان جدرا لە باکور سەیدا باشوور لوبنان کردیەسە ئامانج.
رادیۆی سوپای ئیسرائیلی راگەیان، "لەپەلاماریگ جیاواز لە سەیدا وەرپرس گەپیگ سەر وە حەماس لە لوبنان کریاسە ئامانج".
لەلایگیش، کەناڵ میادین نزیک حزبوڵا راگەیان، "کەسایەتیگ فەڵەستینی وە گورزەیل ئاسمانی ئیسرائیلی لە جدرا باکور سەیدا لە لوبنان کریاسە ئامانج، باوجی لە کردەوەگە قورتاری بویە".
وتیش "گورزەیل ئیسرائیلی کوشیان و زەخمداربوین لەلی کەفتیە"ئاشکەرایکرد "وەرجە ئۆپراسیۆنەگە فرۆکەیل ئیسرائیلی وە خەسی وە ناوچەگە گڕخواردنە".
