ئیسرائیل پەلامار مەرزەیل ناوەین سوریا و لوبنان دەێد
شەفەق نیوز/ سوپای ئیسرائیل، ئمڕوو جمعە، پەلاماردان مەرزەیل سنووری ناوەین سوریا و لوبنان راگەیان.
سوپای ئیسرائیل لە بەیاننامەیگ وت: شوینەیل هاوردن و بردن ئامرازەیل جەنگ لە مەرزەیل سنووری ناوەین سوریا و لوبنان کردیەسە ئامانج، و ئەرا هاوردن ئامرازەیل جەنگ ئەرا حزبولڵا وەکاریان تیەرن.
سوپای ئیسرائیل دیاری کرد کە ئی گورزەیلە جویر گامیگ زیایە ئەرا وەئامانجگردن یەکەی 4400 یەکەی چەکدارکردن حزبوڵا تیەێد ئەرا جیوەجیکردن پلانەیل تیرۆری وەبان بەرەی ناو ئیسرائیل و هیزەیل سوپای وەرگری.
وتیش: ئی گورزەیلە لە چوارچبوەی تەقەلایل پەلاماردان هاوردن و بردن چەک لە سوریا وەرەو لوبنان تیەێد، کە سوپا وەردەوام بوود ئەرا شکستهاوردن وە هەر هەڕەشەیگ وەبان دەوڵەت ئیسرائیل و ری وە ئاوەدانکرد حزبوڵا بەێد.
لەلای خوەییش، عەلی حمیە وەزیر کار و گواستنەوەی گشتی لوبنان دووپات کرد کە گورزەیل ئیسرائیل دوو مەرز وەگەرد سوریا کردنە ئامانج، کە مەرز جوسیە و مەرز عەریزە بوین.
