ئیسرائیل پەلامار دوو سەربازگە لەناوڕاس سوریا دەێد

شەفەق نیوز/ سوپای ئیسرائیل، ئمڕوو سێشەممە، خەوەردا کە دوو سەربازگە لە پارێزگای حومس ناوڕاس سوریا کردیەسە ئامانج.

 سوپای ئیسرائیل لە بەیاننامەیگ وت: وەرجە ماوەی کوڵیگ سوپای ئیسرائیل داد لەو توانایەیل سەربازیە کە مەنیەسەو لە سەربازگەی تەدمور و T4 لە سوریا.

وەگورەی بەیاننامەگە، سوپای ئیسرائیل ئەرەەسا وەردەوام بوود لە جویلەکردن ئەرا لاوردن هەر هەڕەشەیگ وەبان خەڵک دەوڵەت ئیسرائیل.

سوریا تا ئیسە لەبان ئی پەلامارەیلە نەهاتیەسە دەنگ.

ئی پەلامارەیلە دویەمە وەبان ئەو دوو سەربازگە دویای ئەوە کە رووژ جمعە سوپای ئیسرائیل وت؛ گورزەیلیگ لەبان خود ئەو دوو سەربازگە ئەنجام داگە.

  ئیسرائیل سەدان پەلامار ئاسمانی وەبان شوینەیلیگ سەربازی لە جیات ناوچەیل سوریا جیوەجی کرد، و هیزەیل هشکایی لەناو ت دەیشت ناوچەی تەیمانەیل بیچەک لە دویای رمیان ئەسەد بڵاو کرد.