ئیسرائیل سەرکردەیگ فەتح وە پەلاماردان ماشینەگەی لە باشوور لوبنان کوشێد
![ئیسرائیل سەرکردەیگ فەتح وە پەلاماردان ماشینەگەی لە باشوور لوبنان کوشێد](https://media.shafaq.com/media/arcella/1724237990732.png)
2024-08-21T11:00:03+00:00
شەفەق نیوز/ میدیایل راگەیانن، ئمڕوو چوارشەممە، بڵاو کردن کە سەرکردەیگ سەربازی لە بزووتنەوەی فەتح لە پەلاماریگ ئیسرائیل کە ماشینەگەی لە نزیک کەمپ عەین ئەلحیلوە لە شار سەیدا لە باشوور لوبنان کردە ئامانج، کوشیا.
راپۆرتە رووژنامەوانییەیل باس لەوە کەن کە خەلیل ئەلمەقدەح، برای مونیر ئەلمەقدەح، سەرۆک بزووتنەوەی فەتح، لە پەلامارەگەی ئیسرائیل کە داد لە ماشینیگ لە نزیک کەمپ عەین ئەلحیلوە، کە گەورەترین کەمپ پەنابەرەیل فەلەستینییە لە لوبنان، کوشیاس.
مونیر ئەلمەقدەح، فەرماندەی لیوای شوعەدا ئەقسا لە لوبنان، دووپات کرد کە خەلیل برای لە سەیدا کریاسە ئامانج.
خەلیل ئەلمەقدەح وە یەکیگ لە سەرکردە دیارەیل باڵ سەربازی بزووتنەوەی فەتح دانریەێد و لە ناو و دەیشت خاکە فەلەستین کار کەێد.