ئیسرائیل راویژکار نوویگ لە سوپای پاسداران ئیران لە سوریا کوشێد
ئاژانس هەواڵی خوەنەوارەیل سەر وە ئاژانس بەسیج لە ئیران، نویسان: عەلی دادی “دویای پەلامار فڕۆکە جەنگییەیل ئیسرائیل لەبان باشوور دیمەشق پایتەخت سوریا، شەوەکی ئمڕوو جمعە” کوشیاس.
لە وەرانەوەر ئەوە ئاژانس هەواڵی تەسنیم نیمچە فەرمی ئیران خەوەر کوشیان عەلی دادی لە سوریا پشتڕاس کرد، لە ئەنجام ئەو چشتە کە وە "دەستدرویژی" ئیسرائیل لەبان باشوور دیمەشق وەسفی کرد.
میدیایل ئیران زانیاری زیاتر باس نەکرد لەباوەت عەلی دادی، یا ئەو پلە و پۆستە کە لە باشوور دیمەشق داشتیە، کەسەیلیگ و میلیشیایل سەر وە ئیران وینەی کوشیایەیل لە سۆشیال میدیا بڵاو کردنە.
ئبران واژەی "راوێژکار" وەکار تیەرێد ئەرا هیزە سەربازییەیی کە لە سووریا ئامادەن. ساڵانیگە باس لەوە کەێد کە بویینی لە وڵاتەگە سنووردارە وەی گرووپە، هەرچەن فرەیگ لە سەرچەوەیل خوەرئاوایی و ناوخۆیی دووپات کەن کە میلیشیا بیانییەیل لەبان زەوی ناساننە، وە سەرۆکایەتی فاتمیون و زەینەبیون.
لە وەڵام پرسیاریگ لەباوەت پەلامارەگەی ئیسرائیل ئەرا ڕۆیتەرز هویچ لێدوانیگ لەبان ئەو خەوەرەیلە کە میدیایل بڵاوەیان کردنە نەیا.
وەزارەت وەرگری رژیم سوریا ئمڕوو جمعە راگەیان ئیسرائیل لە بەرزاییەیل جۆلانەو مووشەک وەشانیە و ناوچەیل باشوور دیمەشق کردیەسە ئامانج، و وەرگری ئاسمانی بەشیگیان خستە خوارەو.
لەلاییگ ترەک، بزووتنەوەی نوجەبا، دیارترین میلیشیا کە لەلایەن سوپای پاسدارانەو پشتیوانی کریەێد، دووپات کرد کە عەلیدادی لە پەلامار دەورگرد پایتەخت سوریا کوشیاس.
