ئیسرائیل ئاشکرا کەێد کە سەربازگەیل ئاسمانیی وە گورزەیل ئیران زەرەد وەپییان رەسیە

شەفەق نیوز/ سوپای ئیسرائیل، ئمڕوو چوارشەممە، ئاشکرا کرد کە چەن سەربازگەیگ ئاسمانیی وە پەلامار مووشەکی دویەشەو ئیران زەرەد وەپییان رەسیە.

سوپای ئیسرائیل وت: چەن سەربازگەیگ ئاسمانی لە پەلامار ئیران زەرەدمەن بویە، و زەرەد وە ژیرخانەیل نەڕەسیە.

وتیش: وەپیچەوانەی قسەیل ئیران، مووشەک دەنگئەوبان نەوەشیاس.

دویەکە سێشەممە، ئیران گەورەترین پەلامار مووشەکی وەبان گشت شوینەیل ئیسرائیل وەشان.

دانیال هەگاری قسەکەر سوپای ئیسرائیل داوا لە ئیسرائیلیەیل کرد وینە و ڤیدیۆ لە شوینەیل کەفتن مووشەکەیل بڵاو نەکەن.