ئیسرائیل ئاگادار دەوڵەتەیل ناوچەگە کەێد: وەڵام ئیمە لەبان ئیران نزیکە
![ئیسرائیل ئاگادار دەوڵەتەیل ناوچەگە کەێد: وەڵام ئیمە لەبان ئیران نزیکە](https://media.shafaq.com/media/arcella/1713252779703.jpg)
میدیایل راگەیانن ئیسرائیل ئاشکرا کردن کە سەرکردەیل سیاسی و ئەمنی لە ئیسرائیل بڕیار دان وەشیوەیگ ئاشکرا و یەکلاوەکەر وەڵام پەلامارەگەی ئیران بەێدەو د.
سەرچەوەیگ ئیسرائیلی دیاری کرد کە چەک ئاسمانی ئامادەکاری ئەرا وەڵامدان تەواو کرد، وتیش؛ ئامانجەگە ئەوەسە نەیلێد ئیران هاوکیشەی نوویگ دروس بکەێد.
رووژنامەی واشنتۆن پۆست دیاری کرد کە ئەنجومەن جەنگ ئیسرائیل نووڕیە شیوەی وەڵامدانیگ کە تویڕەی هاوپەیمانەیل نەکەێد یا دەرفەت دروسکردن هاوپەیمانییگ دژوە ئیران گوما نەکەێد.
وەرپرسەیلیگ ئەمریکی مەزەنە کردن وەڵامدان ئیسرائیل سنووردار بوود، کە پەلامار هیزەیل ئیران یا ئەو جینشینەیلە کە تەهران پاڵپشتییان کەێد، لە دەیشت خاک ئیران.
وەرپرسەیل ئەمریکا دووپات کردن کە ئەگەر ئاگاداریان وە بڕیار ئیسرائیل لەباوەت شیوەی وەڵامدانەگە نەکریاس، وتنیش؛ هاتێ لە هەر مەوقەیگ بوود.