١٤ ساڵ زیندانی لەبان پەنابەریگ عراقی لە ئەمریکا پلان ئەرا کوشتن بۆش داشتیە

 شەهاب ئەحمەد شەهاب گلەیی خستە مل بۆش لەو ژاوەژاوە کە کەفتە ناو عراق لە دویای جەنگ ئەمریکا لە ساڵ ٢٠٠٣ و رمانن سەدام حسێن.

دادوەر مایکڵ واتسون، رووژ دووشەممەی گوزەشتە، سزای ١٧٧ مانگ لەبان شەهاب چەسپان، دویای دانوەپیدانی وە گوناهی لە تەقەلای پیشکەشکردن پشتگیری دارایی ئەرا تیرۆرستەیل.

دادوەر فەرمان دا ١٥ ساڵ دویای ئازادکردنی لە زیندان بکەفێدە ژیر چەودیاریکردن، هەرچەن هاتێ لە کۆتایی ماوەی سزاگەی لە ئەمریکا بار بکریەێد.

وەگورەی رووژنامەگە، پرس شەهاب رووشنایی خستە بان سیستم کووچبەری ئەمریکا کە وە ئاسانی پیشێل کریەێد.

بەڵگەنامەیل دادوەری ئاشکرا کردن کە نویسینگەی لێکۆڵینەوەیل فیدراڵی کەفێدە بندروس لە پیلان کوشتن سەرۆک وەرین ئەمریکا، جۆرج دەبڵیو بۆش، کە هاوڵاتییگ عراقی لە ئەمریکا پەنابەرە دەسی هاپشتی، وەگورەی قسەی تووڕ سی ئێن ئێن.