سێ ناوچەێ ئازاد تجاری دە لێو سنوور ئێران و عراق
2021-05-09T20:22:14+00:00
شەفەق نیوز- لە هەشت ناوچەێ لێوسنووری دە چواران‌دەور ئێران ک ئەڕا بنەڕاناین ناوچەێل ئازاد تجاری پێشنێیار کریابین، هەفت لەیان جەواز گرتن.
سێ شار کوردنشین مێهران دە ئوستان ئیلام، قەسرشیرین دە ئوستان کرماشان ئوو ناوچەێ نامنی دو شار بانە-مەریوان هانە نام ئەو هەفت شارە ک جەواز وەێیان دریاگه.
خاسە بزانن، لە پێرارەو دە نامنی دەوڵەت ک پێشنێیاردەر ئی هەشت شارە بییە ئوو پارلمان ئێران دە بان داین جەواز ئەڕا ئەو هەمگە شارە، جیاوازی کەفت ک ئەڕا حەل و فەسڵێ ئی پێشنێیارە کل کریا وە مەجمەع تەشخیس مەسڵەحەت نزام ئوو دوماجار ئەڕا گشتێیان، بێ‌ژە بەندەر ئینجەبورون ک تورکەمەن‌نشینە و ها دە گورگان، دەو لاێ ئوستان گوڵستان، جەواز دریا.
