سەرۆک وەزیرەیل وەرین بولگاریا دەسگیر کریا
شەفەق نیوز/ وه‌زاره‌ت ناوەخۆی بولگاریا راگەیان، له ئۆپراسیۆنیگ ئه‌منی فراوان، بۆیكۆ بۆریسۆڤ سه‌رۆک وه‌زیرەیل وەرین بولگاریا و سه‌رۆک "پارت هاوڵاتیەیل ئەرا ئەوزەڵداین وە ئه‌وروپا" دەسگیر کردنە.
وەگورەی زانیارەییەیل رادیۆی BNR بولگاریا له‌بان زوا وه‌زاره‌ت ناوەخۆ وڵاتەگەی بڵاویکردیە، هێزه‌یل ئەمنی مینەکردن و وەشکین ئەرا چه‌ن ناوچه‌ییگ بولگاریا دەسوەپی کردنە، یه‌كیگ له‌و كه‌سەیلە ک ده‌سگیر كریایە بۆیكۆ بۆریسۆڤ سه‌رۆک وه‌زیرەیل وەرینە، وەگەردیا شمارەیگ له ئه‌ندامەیل پارت هاوڵاتییەیل ئەرا ئەوزەڵداین ئه‌وروپا ده‌سگیر کردنه.
دیاریکرد، ئۆپه‌راسیۆنه‌گه په‌یوه‌نی وه راپۆرته‌یله دیرێد ك داواكاری گشتی ئه‌وروپا زیاتر له 120 كه‌یس بەد وەکارهاوردن پۊل ئه‌وروپا له بولگاریا لێکۆلینەوە کەن.
بۆیكۆ بۆریسۆڤ له ماوه‌ی سێ خول و له ساڵەیل 2009-2013 له خول یه‌كه‌م، و ساڵەیل نوان 2014-2017 ئەرا خول دۊیه‌م، دۊاجار له ساڵ 2017-2021 ئەرا سێیەم خول سه‌رۆكایه‌تی حكومه‌ت وڵاته‌گه‌ی كاندید كریایە و سێجار بۊیە وە سه‌رۆک وەزیرەیل بولگاریا.
