سەرۆک کۆمپانیای فایزەر: ئەوەسا لەماوەی یەک ساڵ ژیانەگە ئەرا سرووشت خوەی گلەو خوەێد
2021-09-27T10:45:16+00:00
شەفەق نیوز/ ئەلبیرت بورلا سەرۆک جیوەجیکەر کۆمپانیای دەرمان Pfizer ئەمریکی مەزەنە کرد ک لەماوەی یەک ساڵ ژیانەگە باێدە سەر خوەی و لە خود وەختەگە جەخت لە گرنگی وەرگردن ساڵانەی واکسینەگە کرد.
بورلا لە وتاریگ ئمڕوو وت: ئەوەسا لە ماوەی یەک ساڵ، ژیانەگە ئەرا سرووشت خوەی گلەو خوەێد، باوجی شایەت گرنگ بوود ساڵانە واکسینەیل کۆڕۆنا بیریەێد، وتیش: کۆمپانیایاگەی ئامادەکاری کەێد ک لە ماوەی چەن رووژیگ داوای مووڵەت ێەرا واکسین مناڵەیل ناوبەین ٥ تا ١١ ساڵان لە حکومەت بکەێد.
سەرۆک Pfizer دووپات کرد ک بەرهەم کۆمپانیایاگەی لە سەرەتای ئی ساڵە تا کۆتایی مانگ ئەیلوول ئەوەسا رەسێدە دوو ملیار تاقەبەش لە واکسینەگە، وە مەرجیگ تا کۆتایی ساڵ ٢٠٢١ یەک ملیار تاقەبەش تر دروس بکەێد، تا گشتی بوودە سێ ملیار تاقەبەش لەماوەی یەک ساڵ.
