سەرۆک فەرەنسا نیگەرانە لە قویلبوین جەنگ لە خوەرهەڵات ناوڕاس
ماکرۆن لە میدیایل راگەیانن وت: ئیران وەڵام پەلامارەگەی ئیسرائیل لەبان باڵیۆزخانەی وڵاتەگەی لە دیمەشق پایتەختی سوریا ”وەشیوەیگ ناڕیژەیی” دادەو، و نیگەرانی خوەی لە ئەگەر قویلبوین جەنگ لە خوەرهەڵات ناوڕاس نشان دا.
وتیش: وەگەرد بنیامین ناتانیاهۆ، سەرۆکوەزیرەیل ئیسرائیل قسە کەێد، گشت تەقەلایگ دەێد ئەرا دویرکەفتن لە جەنگ، تا ئیسرائیلیش ڕازی بکەێد کە وەڵام پەلامارەگەی ئیران نەێدەو.
سەرۆک فەرەنسا زوور لەوە کرد کە "ئیرنگە رەوشەگە وە هویچ شیوەیگ ئارام نییە"، وتیش: "گشتمان نیگەرانیمن لە ئەگەر قویلبوین جەنگ لە خورەەڵات ناوڕاس".
شەو شەممەی گوزەشتە، ئیران لە کاردانەوە وە پەلاماریگ وەبان باڵوێزخانەی وڵاتەگەی لە دیمەشق پایتەخت سوریا و کوشتن شمارەیگ لە سەرکردەیل سوپای پاسداران لەلایەن ئیسرائیلەو وە مووشەک و فڕۆکەی بێفڕۆکەوان پەلاماریگ فراوان وەبان ئیسرائیل ئەنجام دا.
